Os sistemas democráticos actuais atópanse nunha situación crítica marcada pola complexidade e a incerteza. Nun mundo hiperconectado e globalizado como o de hoxe, a soberanía popular vese gravemente ameazada tanto polas corporacións como pola extrema dereita.
Ao longo destas páxinas analízase dende diversas olladas as ameazas que asexan as democracias e o funcionamento do sistema-mundo, ao mesmo tempo que se definen alternativas, estratexias e ferramentas coas que facer fronte ás principais problemáticas derivadas do sistema político e económico actual.
Esta obra é o peche dun proceso de construción colectiva impulsado por ECOAR))) a través do seu proxecto Ágora R que pretende dotar á cidadanía de ferramentas e recursos que lle permitan reflexionar sobre o seu papel como axente de cambio.
